| soniaLoLo |
|---|
|
read my profile sign my guestbook  Interests: Expertise: Industry: Marketing Message: message me MSN: soni_sonialolo@hotmail.com Member Since: 12/31/2004 |
| Blogrings |
|---|
| MME HKU_space previous - random - next ErIc's Buddy previous - random - next |
颱風到訪 偷得浮生 上班前不忘享受豐富早餐 口裏呷著香濃的黑咖啡 心中禁不住讚嘆其甘醇 小時候初嚐咖啡 大抵是受不了其苦澀味道 曾發誓「不可一、也不可再」 亦狂妄地嘲笑別人 自己揾苦來吃 但真正吃過苦的人 才明白苦澀過後的味道 確實齒頰留香 甘之如貽 如今卻是可一, 也可再 假若餐廳能播放 <沉默的時刻> 配合爵士音樂 嫵媚懶慵的嗓音 更是一絕
| |
<她和他> 舊情人拋棄了她 她暗自埋怨 認為他不珍惜自己 好不容易 從死裡逃生 接到他的電話 抱著多個朋友的心態 她爽快應約 與他聚舊 臨別還羞澀地說了聲「再見」 盼望下次再見 結果他倆愛火重燃
舊情人再次拋棄了她 她徹底崩潰 愛恨交纏 恨他再次傷害自己 但她還愛他 始終思念著他 又一次接到他的電話 知道別有用心 她卻裝扮起來 臨別前 依然說了聲「再見」 結果他像獵物般上勾 再次再次打得火熱
舊情人第三次拋棄了她 她痛定思痛 冷靜分析 知道這齣好戲正在重覆上演 還暗地跟自己打賭 期待他第三次來電 她並不是白癡 只想拆穿他的把戲 結果她再次出現 她看到他 感覺很陌生 臨別前 心裡跟他說了聲「永別」 她轉身向背 離開他的視線 離開他的陰霾 淚水亦模糊了她的視線
*********************************************************************************
生活忙碌, Xanga 確實係一個好好嘅平台交代行踪 繼上次寫完 Interview經歷後, 大家都好關心我既工作 多謝朋友既關心 "拍七" 見到舊Post 幅圖, 以為我賣錶 有個朋友見到以為我賣中藥 我依然做緊Marketing, 不過轉咗間海味藥材公司 初頭以為啱啱番工可以Hea 一排先 點之第一日已經超忙, 做唔停 第一個禮拜就俾老細捉去開會 開會研究、檢討產品係必然 又難免需要試食 但估唔到係試食越南洞燕, 真係正!! 唔.........我會做好呢份工!!
| |
星期五 比原定時間早到達 到達一家售賣藥材的集團Interview 大公司果然嚴謹 未見Interviewer先要做一份40分鐘既Written Test 成份卷共有3頁 3條問題 最後一頁係補充資料 其中2題要寫Editorial 需要用Bilingual作答 感覺真吊詭 彷彿在做課堂練習 另一方面 心諗: 「賴嘢! 自己對中藥認識已經唔多丶仲要篇補充資料係中文, 點樣寫? 同時, 又要兼顧另外嗰題, 唔諗都寫唔切啦.......」 於是 把心一橫 用中文作答
***********************************************************************
五分鐘後 Interviewer出場 甫坐低就問:「你其實明唔明條題目?」 Sonia:「唔好意思......我知道係中、英文作答, 但我唔夠時間........」 Interviewer:「點解其它Candidate夠時間?係咪俾多40分鐘就可以做哂?」 心諗: 「梗係唔係啦! 擺明我真係唔識中藥D Terms........」 唯有孤注一擲 坦坦白白講: 「其實我用中文作答會比較有信心; 寫埋英文無把握, 索性用中文作答, 寧願表現最好一面」 Interviewer笑咗出嚟, 話: 「吖~算你都幾坦白」
*******************************************************************
Interviewer:「知唔知公司轉咗Logo?」 好彩之前做過吓功夫 可以形容個Logo Interviewer再問:「知唔知同公司設計Logo係邊個?」 Sonia:「......呢個無留意, 但我一定會返去揾資料, 下次覆你」 之後 又繼續傾談近1小時 回家後 立刻做功課
*******************************************************************
星期日 還在牀上約會周公 電話響起 「喂......」 極力裝清醒 「唔好意思........星期日揾你.......」 原來係 Interviewer 問:「你有無揾資料?」 答:「有呀, 已經Sent咗去你醫貓, 佢係陳幼堅嘛......」 寒暄一輪 最後 「星期一番工, 俾心機做喇」
*******************************************************************
自問面試機會不少 更與不少面試者交手 但今次印象特別深刻 跟她很互動 感覺亦師亦友
| |
喺休息呢段日子期間 真係好HEA, 好似退咗休咁 寫少咗文章, 睇多咗書 出少咗街, 留多咗喺屋企 錢賺少咗, 但活得消遙自在 喺空閒中培養出一種興趣 整蛋糕 一個很好既方法培養忍耐與耐性 發覺能夠完整做出一個蛋糕係非常有成功感 下次學整 CHEESECAKE 先~
整蛋糕前D預備材料 將材料攬拌, 再放入焗爐, 焗大概20分鐘
焗成後嘅海綿蛋糕
喺表面塗上朱古力漿
寫上祝賀字句, 一個朱古力鋼琴蛋糕完成!! YEAH!!
後記: 休息咗咁耐, 又要重新振作, 繼績努力 HEA嘅日子雖然悠閒, 畢竟係後生女, 始終唔啱我~
| |
挑選了靠窗位置 把新歡 “天使與魔鬼” 放下 欣賞和諧號列車沿途由深洲開往廣州的風景 實際是焦點模糊 發呆沉思 一年內 再次參加喪禮 這次的主角是居住在廣州的嫲嫲 不得不丟低一切 可笑是 死亡反而施捨我一點時間獨處 放慢步伐 把被生活擠壓得不成形的我釋放出來 可笑是 死亡反而能夠引發早已麻木的心靈 放下理智 盡情感觸 自問不是溫室中小花 但也不至於被揠苗助長 被成長的採摘下 內裡肢離破碎得很 果實割開全是苦澀的味道 無奈太多 感受太深 唯有 捉緊生命濃度
| |
